सुर्पालमा रेनकोट ओढेर स्कुल जाँदै गरेका तीन बालिकाहरूको १७ सेकेन्डको भिडियो सामाजिक सञ्जालमा अत्यधिक भाइरल

रोल्पाको रुन्टीगढी गाउँपालिका–४ सुर्पालमा रेनकोट ओढेर स्कुल जाँदै गरेका तीन बालिकाहरूको १७ सेकेन्डको भिडियो सामाजिक सञ्जालमा अत्यधिक भाइरल भइरहेको छ ।

दुई दिनमा २ करोड २० लाखभन्दा बढी भ्युज पाएको उक्त भिडियो स्थानीय लोकेन्द्र पुनले टंक सुपारी स्मृति प्रतीक्षालयबाट खिचेका हुन् । भिडियोमा देखिने बालिकाहरू स्थानीय एडभान्स चाइल्ड केयर सेन्टरमा अध्ययनरत छन्। उनीहरूमध्ये दुई जना एकै घरका र एक जना छिमेकी हुन् । सामाजिक सञ्जाल प्रयोगकर्ताहरूले बालिकाहरूलाई ‘क्युट’ भन्दै बाल्यकालको याद आएको टिप्पणी गरेका छन् ।