सुनसरीमा ९ हजारभन्दा बढी मुद्दा दर्ता, सम्बन्ध विच्छेद अग्रस्थानमा

इटहरी । सुनसरी जिल्लामा आर्थिक वर्ष २०८२–८३ मा नौ हजारभन्दा बढी मुद्दा दर्ता भएका छन् । तीमध्ये सबैभन्दा धेरै सम्बन्ध विच्छेदका मुद्दा रहेका छन् । जिल्ला अदालत सुनसरीका अनुसार नागरिक तथा पारिवारिक विवादसँग सम्बन्धित मुद्दाको संख्या उल्लेख्य रूपमा बढ्दै गएको देखिएको छ भने समग्र मुद्दामध्ये सम्बन्ध विच्छेदका मुद्दाले सबैभन्दा ठूलो हिस्सा ओगटेका छन् ।

एक वर्षको मुद्दा व्यवस्थापनसम्बन्धी विवरण सार्वजनिक गर्दै अदालतले कुल मुद्दामध्ये ६० दशमलव ६९ प्रतिशत फछ्र्योट गरेकोसमेत जनाएको छ । खासगरी ९ हजार ५ सय ५२ मुद्दा दर्ता भएकामध्ये सम्बन्ध विच्छेदका मात्रै एक हजार दुई सय ४१ मुद्दा दर्ता भएको छ । जसमा ९ सय ३६ मुद्दा फछ्र्योट भएका छन् भने ३ सय ५ मुद्दा चालु अवस्थामा छन् ।