सहकारी विधेयकमाथि थापाको प्रश्न : पसिनाको कमाइमाथि ठगहरूको रजाइँ ?

काठमाडौँ । नेपाली कांग्रेसकी प्रमुख सचेतक वासना थापाले ‘सहकारी (पहिलो संशोधन) विधेयक, २०८३’माथि प्रश्न उठाएकी छन् । विधेयकमाथि प्रतिनिधिसभामा चलिरहेको सैद्धान्तिक छलफलमा भाग लिँदै थापाले भनिन्, ‘पसिनाको कमाइमाथि ठगहरूको रजाइँ ?’

मकै पोलेर, ठेलामा सागसब्जी बेचेर र ससाना काम गरेर जम्मा गरेको पैसा सहकारीले खाइदिएपछि नागरिकहरू सडकमा आउनु परेको पीडादायी अवस्था चित्रण गर्दै उनले त्यस्तो बताएकी हुन् । ‘आफ्नो गाँस काटेर जम्मा गरेको रकम ठगहरूले खाइदिएर छाती फुलाएर समाजमा हिँडिरहेका छन्,’ थापाले भनिन्– ‘निम्न र गरिब जनताको बचत फिर्ता मात्र होइन, भविष्यमा यस्तो अवस्था आउन नदिने गरी नीतिगत सुधार हुनुपर्छ।’