मदनको जन्मजयन्तीमा विद्याको सन्देश: कम्युनिष्ट आन्दोलन बलियो बनाउन आत्मसमीक्षा, नवप्रयोग र जनविश्वास आर्जन गरौँ

पूर्वराष्ट्रपति विद्या देवी भण्डारीले नेपालको कम्युनिस्ट आन्दोलन अहिले नयाँ अवसर र चुनौतीहरूको मोडमा उभिएको बताएकी छन्। उनले बदलिँदो सामाजिक यथार्थ, नयाँ पुस्ताको अपेक्षा र राजनीतिक परिवेशअनुसार आन्दोलनले आफूलाई समयानुकूल रूपान्तरण गर्नुपर्ने आवश्यकता औँल्याएकी छन्।

जननेता मदन भण्डारीको ७५औँ जन्मजयन्तीका अवसरमा आयोजित कार्यक्रममा सम्बोधन गर्दै भण्डारीले जनतासँगको सम्बन्धलाई अझ सुदृढ बनाउने विषयमा गम्भीर समीक्षा र आत्ममन्थन आवश्यक रहेको बताइन्।