प्रत्यक्ष कार्यकारी प्रणाली नेपालका लागि उपयुक्त छैन, संविधान संशोधन गर्न सकिन्छ: भण्डारी

पूर्वराष्ट्रपति विद्यादेवी भण्डारीले नेपालजस्तो बहुजातीय, बहुभाषिक र बहुसांस्कृतिक मुलुकका लागि प्रत्यक्ष कार्यकारी शासन प्रणाली उपयुक्त नहुने बताएकी छन्।

जननेता मदन भण्डारीको ७५औँ जन्मजयन्तीका अवसरमा आइतबार आयोजित विशेष कार्यक्रमलाई सम्बोधन गर्दै उनले आवश्यकता र कार्यान्वयनबाट प्राप्त अनुभवका आधारमा संविधान संशोधन गर्न सकिने भए पनि शासकीय स्वरूप परिवर्तन गर्न नहुने विचार व्यक्त गरिन्।