कच्चा तेलको मूल्य दुई महिनायताकै उच्च, ब्रेन्ट क्रुड १०० डलरपार

मध्यपूर्वमा तीव्र रूपमा बढिरहेको सैन्य द्वन्द्वका कारण अन्तर्राष्ट्रिय बजारमा कच्चा तेलको मूल्यमा भारी वृद्धि भएको छ । नेपालीसमयअनुसार शुक्रबार बिहान अन्तर्राष्ट्रिय मानक 'ब्रेन्ट क्रुड'को मूल्य करिब ७ प्रतिशतले बढेर प्रतिब्यारेल १००.६९ डलर पुगेको छ। गत मे २२ पछि ब्रेन्ट क्रुड १०० डलरभन्दा माथि पुगेर बन्द भएको यो पहिलो पटक हो।

यसैगरी, अमेरिकी मानक 'वेस्ट टेक्सास इन्टरमिडिएट'को मूल्य पनि ६.१७ प्रतिशतले वृद्धि भई प्रतिब्यारेल ९२.१९ डलर पुगेको छ। जुन ४ पछि वेस्ट टेक्सास इन्टरमिडिएटको मूल्य यो बिन्दुमा पुगेको पहिलो पटक हो ।