आत्मदाहको बढ्दो शृङ्खला : गहिरो संकट र राज्यप्रतिको मौन विद्रोह, रोक्न के गर्ने ?

काठमाडौँ – गत असार २५ गते त्रिपुरेश्वरस्थित राहदानी विभागको कार्यालय अगाडि मुगु घर भएका गणेश नेपालीले आफ्नै शरीरमा पेट्रोल खन्याएर आगो लगाए । राजधानीमा पठाओ चलाएर संघर्ष गर्दै आएका उनले यस्तो अप्रत्यासित कदम चालेपछि घटनास्थलमा उपस्थित सबैलाई स्तब्ध बनायो । तत्काल उद्धार गरी उनलाई वीर अस्पताल पुर्‍याइयो, तर उपचारकै क्रममा उनले प्राण त्यागे ।