स्वास्थ्य बीमा बोर्डले पुससम्म २५ अर्ब ४८ करोडभन्दा बढी दाबी भुक्तानी गर्‍यो

काठमाडौं। स्वास्थ्य बीमा बोर्डले आर्थिक वर्ष २०८२/८३ को पुस महिनासम्म स्वास्थ्य बीमा दाबीबापत २५ अर्ब ४८ करोड ८७ लाख ८७ हजार ४७९ रुपैयाँ भुक्तानी गरेको जनाएको छ।

बोर्डका अनुसार अघिल्लो आर्थिक वर्ष र चालु आर्थिक वर्षको पुससम्म स्वीकृत भएका स्वास्थ्य बीमा दाबीहरूको रकम सेवा प्रदायक स्वास्थ्य संस्थाहरूलाई भुक्तानी गरिएको हो।