धनगढी उपमहानगरद्वारा दशरथ चन्द विश्वविद्यालय परिसर सरसफाइ

धनगढी । सुदूरपश्चिमको गौरवका रूपमा रहेको शहीद दशरथ चन्द स्वास्थ्य विज्ञान विश्वविद्यालयको परिसर धनगढी उपमहानगरपालिकाले सरसफाइ गरेको छ ।

कैलालीको गेटास्थित विश्वविद्यालय परिसरमा वर्षायामसँगै झाडी र बुट्यान अत्यधिक बढेपछि सर्प, किरा–फट्याङ्ग्रालगायतको जोखिम बढ्नुका साथै परिसरको सौन्दर्यसमेत प्रभावित भएको थियो । विश्वविद्यालयले सार्वजनिक रूपमा सहयोगको आह्वान गरेपछि धनगढी उपमहानगरपालिकाले सरसफाइ अभियान सञ्चालन गरेको हो ।