सशस्त्र जनयुद्धका बेला भागेका कैदी २३ वर्षपछि पक्राउ

२० वर्ष कैद सजाय तोकिएका एक कैदी पक्राउ परेका छन्। म्याग्दीको रघुगंगा गाउँपालिका-४ दग्नामका ४५ वर्षीय गुनबहादुर पुर्जा पक्राउ परेका हुन्।

उनी पुर्पक्षका लागि जिल्ला कारागार म्याग्दीमा रहेका बेला तत्कालीन सशस्त्र जनयुद्धको समय विक्रम संवत् २०६० साल चैत्र ७ गते म्याग्दी आक्रमणका क्रममा कारागारबाट फरार भएका थिए। जिल्ला अदालत म्याग्दीले कर्तव्य ज्यान मुद्दामा उनलाई २० वर्ष कैद सजाय तोकेको थियो।