डा. केसीलाई तोसिमाले भनिन् : अन्सन बस्नुपर्ने अवस्था आउनै नपर्ने थियो

राष्ट्रिय स्वतन्त्र पार्टी (रास्वपा)की सांसद डा. तोसिमा कार्कीले प्रा. डा. गोविन्द केसी आमरण अनसन बस्नुपर्ने अवस्था आउनु दुखद भएको भन्दै सरकारले तत्काल उनका जायज माग सम्बोधन गर्नुपर्ने बताएकी छन्।

सामाजिक सञ्जालमार्फत कार्कीले सरकारले डा. केसीलाई अनसन बस्नुपर्ने अवस्था आउन नदिनुपर्ने बताइन्। उनले सरकारले डा. केसीसँग प्रत्यक्ष संवाद गर्दै चिकित्सा शिक्षा र स्वास्थ्य क्षेत्र सुधारका विषयमा उनका सुझावलाई कार्यान्वयन गर्नुपर्ने धारणा व्यक्त गरिन्।