हाइड्रोजन सवारीका लागि कानुनी ढाँचा बनाउँदै सरकार, सुझाव दिन आह्वान

काठमाडौं । सरकारले नेपालमा हाइड्रोजनमा आधारित सवारी साधनको विकास, सञ्चालन र नियमनका लागि आवश्यक नीतिगत तथा कानुनी आधार तयार गर्ने प्रक्रिया अघि बढाएको छ । यसका लागि पूर्वाधार विकास मन्त्रालयले सरोकारवाला निकाय, विज्ञ तथा अनुसन्धान संस्थासँग सुझाव आह्वान गरेको हो ।

मन्त्रालयले हाइड्रोजन सवारी साधनसम्बन्धी अन्तर्राष्ट्रिय अभ्यास, सुरक्षा मापदण्ड, प्राविधिक दिशानिर्देश, नियामक व्यवस्था तथा नेपालमा यस प्रविधि कार्यान्वयनको सम्भावनाबारे अध्ययनमा आधारित सुझाव उपलब्ध गराउन आग्रह गरेको छ ।