टिभीको रिमोट हरायो ? आफ्नो स्मार्टफोनलाई यसरी बनाउनुहोस् टिभी रिमोट

काठमाडौं । टिभीको रिमोट हराउनु धेरैजसो घरमा हुने सामान्य समस्या हो । कहिले सोफामुनि, कहिले ओछ्यानमुनि वा अन्यत्र हराउँदा टिभी चलाउन निकै झन्झट हुने गर्छ । तर यदि तपाईंसँग स्मार्टफोन छ भने छुट्टै रिमोटको आवश्यकता नपर्न पनि सक्छ । गुगल टिभी (Google TV) एपको प्रयोग गरेर एन्ड्रोइड वा आइफोनलाई सहजै टिभी रिमोटमा रूपान्तरण गर्न सकिन्छ ।

यसका लागि तपाईंको स्मार्टफोन र एन्ड्रोइड टिभी एउटै वाइफाइ (Wi-Fi) नेटवर्कमा जोडिएको हुनुपर्छ । यदि टिभीमा वाइफाइ सुविधा छैन भने, केही मोडेलमा ब्लुटुथ (Bluetooth) मार्फत पनि जडान गर्न सकिन्छ । फोन टिभीसँग जडान भएपछि च्यानल परिवर्तन गर्न, आवाज घटाउन वा बढाउन, भिडियो नियन्त्रण गर्न तथा विभिन्न एप सञ्चालन गर्न सकिन्छ ।