'अपरेशन ३६५' अन्तर्गत थप ३३ मोटरसाइकल नियन्त्रणमा

पोखरा। कास्की प्रहरीले सञ्चालन गरिरहेको 'अपरेशन ३६५' अभियानअन्तर्गत ध्वनि प्रदूषण गर्ने तथा स्वरूप परिवर्तन गरिएका थप ३३ ओटा मोटरसाइकल नियन्त्रणमा लिएको छ।

जिल्ला प्रहरी कार्यालय कास्कीका अनुसार साउन ७ गते रातिको समयमा पोखरा महानगरपालिकाका विभिन्न स्थानमा विशेष चेकजाँच सञ्चालन गर्दा नियमविपरीत परिमार्जन गरिएका मोटरसाइकलहरू नियन्त्रणमा लिई आवश्यक कारबाही प्रक्रिया अघि बढाइएको हो।