किभ नजिक ड्रोन प्रदर्शनीस्थलमा रुसी मिसाइल आक्रमण, कम्तीमा १५ जनाको मृत्यु

काठमाडौं । रुसले युक्रेनको राजधानी किभ नजिक ड्रोन प्रविधि प्रदर्शनी भइरहेको स्थलमा गरेको ब्यालिस्टिक मिसाइल आक्रमणमा कम्तीमा १५ जनाको मृत्यु भएको छ । तीमध्ये १० जनाको ज्यान किभ नजिक आयोजित ड्रोन प्रविधि प्रदर्शनीमा भएको आक्रमणमा गएको हो ।

युक्रेनी राष्ट्रपति भोलोदिमिर जेलेन्स्कीका अनुसार आक्रमणमा करिब १०० जना घाइते भएका छन् । उक्त प्रदर्शनीमा युक्रेनको रक्षा क्षेत्रसँग सम्बन्धित उच्च अधिकारी तथा प्रविधि विकासकर्ताहरूको उपस्थिति रहेको थियो ।