सोनमले अनशन तोडेपछि सरकार र सीजेपीबिच उच्चस्तरीय वार्ता हुँदै

दिल्लीमा जारी राजनीतिक गतिरोध अन्त्य गर्न सरकार र ककरोच जनता पार्टी (सीजेपी) बिच आज नेपाली समय अनुसार दिउँसो १२:४५ बजे (स्थानीय समय १२:३० बजे) दोस्रो चरणको वार्ता हुने भएको छ।

यसअघि केन्द्रीय स्वास्थ्यमन्त्री जेपी नड्डाको निवासमा भएको पहिलो चरणको वार्ता निष्कर्षमा पुग्न सकेको थिएन। त्यसयता सरकार र सीजेपीबिचको सम्बन्ध खराब बन्दै गएको थियो। सरकारले यसअघि सीजेपीलाई वार्ताका लागि चार पटक आमन्त्रण गरे पनि उनीहरू उपस्थित भएनन्। सीजेपी केन्द्रीय मन्त्री जेपी नड्डाको निवासमा नभई तटस्थ स्थानमा मात्र वार्ता हुनुपर्ने अडान राख्दै आएको थियो। सोही अडानस्वरूप आजको वार्ता तटस्थ स्थल मानिएको कन्स्टिट्यूशन क्लबमा हुन लागेको हो।