टेस्ट क्रिकेट बचाउन नयाँ प्रस्ताव- एसेज प्रतिद्वन्द्वीहरूको भिडन्त भारतमा !

काठमाडौं : क्रिकेट अष्ट्रेलियाका मुख्य कार्यकारी टोड ग्रीनवर्गले टेस्ट क्रिकेटप्रति विश्वव्यापी आकर्षण बढाउन इंग्ल्यान्ड र अष्ट्रेलियाबीचको टेस्ट खेल भारतमा आयोजना गर्न सकिने प्रस्ताव अघि सारेका छन् ।

सामान्यतया यी दुई टोलीहरू 'एसेज' शृङ्खलाका क्रममा मात्र टेस्ट क्रिकेटमा भिड्ने गर्छन्, जुन चार-चार वर्षको अन्तरालमा अष्ट्रेलिया वा इंग्ल्यान्डमा मात्र आयोजना हुने गर्छ । तर क्रिकेटको सबैभन्दा ठुलो बजार मानिने भारतमा टेस्ट क्रिकेटको घट्दो लोकप्रियतालाई पुनर्जीवित गर्न यो ऐतिहासिक प्रतिद्वन्द्वितालाई त्यहाँ लैजानुपर्ने ग्रीनवर्गको धारणा छ ।