नारायणघाट-मुग्लिन खण्डको विकल्पमा रेखांकन

वर्षा याममा सधैं टाउकोदुखाइको विषय बनेको मुग्लिन–नारायणघाट सडक खण्डको विकल्पमा सडक विभागले त्रिशूलीपारि समानान्तर सडक निर्माणको योजना बनाएको छ। त्यसका लागि रेखाकंकनको काम भइरहेको सडक विभागको भनाइ छ।

विभागका महानिर्देशक डा. विजय जैशीले मुग्लिन–नारायणघाट सडकखण्डको विकल्पमा त्रिशूलीपारि समानान्तर सडक निर्माण गर्न विभागबाट रेखांकनको काम भएको बताए। ‘मुग्लिन–नारायणघाट खण्डमा त्रिशूलीपारि समानान्तार सडक निर्माण गर्न स्थानीय तहबाट ठाउँठाउँमा ट्र्याक खन्ने काम भइरहेको छ। सम्बन्धित सडक डिभिजनहरूले पनि काम गरिरहेका छन्,’ डा. जैशीले भने, ‘यसका साथै विभागबाट समानान्तर सडक निर्माण गर्न रेखांकनको काम भइरहेको छ।’