बाल मन्दिर प्रकरण : सीआईबीको अनुसन्धानपछि आठ जनाविरुद्ध मुद्दा दायर

काठमाडौं । नेपाल बाल संगठन (बाल मन्दिर) सँग सम्बन्धित जग्गा प्रकरणमा प्रहरीले आठ जनाविरुद्ध ठगी अभियोगमा मुद्दा दायर गरेको छ। प्रहरीको केन्द्रीय अनुसन्धान ब्यूरो (सीआईबी) ले गरेको विस्तृत अनुसन्धानपछि प्राप्त प्रतिवेदनका आधारमा काठमाडौं जिल्ला अदालतमा अभियोगपत्र दर्ता गरिएको हो।

मुद्दा दायर गरिएका व्यक्तिहरूमा नेपाल बाल संगठनका तत्कालीन योजना तथा छात्रवृत्ति शाखा प्रमुख ५४ वर्षीया आशा श्रेष्ठ, तत्कालीन सचिव ५१ वर्षीय राजेन्द्रकुमार श्रेष्ठ, तत्कालीन सभापति ६२ वर्षीय ओमकृष्ण कर्माचार्य, तत्कालीन सभापति युरी कुमारी राई, तत्कालीन कोषाध्यक्ष ७४ वर्षीय दीपकदास श्रेष्ठ, तत्कालीन कोषाध्यक्ष ६० वर्षीय प्रयागराज श्रेष्ठ, तत्कालीन सभापति ६३ वर्षीय भगवान शाक्य तथा तत्कालीन सल्लाहकार ५६ वर्षीय रामकृष्ण चित्रकार रहेका छन्।