कसिलो कपडा लगाएको भन्दै टर्कीका गभर्नर पदमुक्त !

टर्कीको उत्तरपूर्वी प्रान्त अर्दहानका गभर्नर मेहमेट फातिह चिचेक्लीलाई हालै राष्ट्रपति कार्यालयले पदमुक्त गरेपछि यसको कारणलाई लिएर विभिन्न अड्कलबाजी शुरू भएको छ। पदमुक्त गर्नुको कुनै औपचारिक कारण नखुलाइए पनि धेरैले उनी साइकल चलाउँदा लगाउने कसिलो कपडा (साइक्लिङ टाइट्स) का कारण बर्खास्त भएको अनुमान गरेको न्यूयोर्क टाइम्सले जनाएको छ ।

साइक्लिङका निकै सौखिन चिचेक्लीले यस्ता कसिँला कपडा लगाएर साइकल चलाएका तस्बिर र भिडियोहरू सामाजिक सञ्जालमा बारम्बार पोस्ट गर्ने गर्थे। विपक्षी दलका सांसद इनान अक्गुन अल्पले उनलाई 'टिकटक गभर्नर' को संज्ञा दिँदै 'चार जना अंगरक्षकसहित दिनभर कसिलो कपडा लगाएर साइकल कुदाउनु गभर्नरलाई नसुहाउने कार्य भएको' भन्दै संसद्मै कडा आलोचना गरेका थिए।