देशलाई पदक जिताउने सपना, बाधक बन्न खोज्छ समाज र राज्य

काठमाडौँ । बाहिर पानी परिरहेको छ, मौसम चिसो छ । तर भित्र स्वीमिङ पुलमा केही युवायुवतीका हाडगोडा निरन्तर चलिरहेका छन् । उनीहरूसँग चिसो पानीभित्र तातो ऊर्जा छ, अनि देशको प्रतिनिधित्व गरेर पारा एसियन गेम्समा सहभागी हुने हुटहुटी छ ।

शारीरिक रूपमा विशेष क्षमता भएका यी खेलाडीहरू पाँचौं एसियाली पारा खेलकुद अर्थात् पारा एसियन गेम्सको तयारी गरिरहेका हुन् । पारा एसियन गेम्स आगामी १० अक्टोबरदेखि जापानको नागोयामा हुँदैछ, जहाँ नेपालको झन्डा फहराउने लक्ष्यमा छन् यी खेलाडीहरू ।