अस्पतालबाट डिस्चार्ज भइन् दीपाश्री

अभिनेत्री तथा चलचित्र निर्देशक दीपाश्री निरौला शल्यक्रियाको १८ औँ दिनमा अस्पतालबाट डिस्चार्ज भएकी छिन्।

उनी बिहीबार अस्पतालबाट डिस्चार्ज भएकी हुन्। माइतीघरस्थित अन्नपूर्ण न्यूरो अस्पतालमा उनको ब्रेन टयूमरको शल्यक्रिया भएको थियो, त्यही उनी स्वास्थ्यलाभ गरिरहेकी थिइन्। दीपाश्रीको स्वास्थ्यबारे दीपकराज गिरीले सामाजिक सञ्जालमार्फत जनाएका छन्।