ट्राफिकले चिट काट्नै नपरोस्, टिकट लेख्नै नपरोस् : आईजीपी कार्की

काठमाडौँ । ट्राफिक नियम उल्लङ्घन गरेबापत लिइने जरिवाना बढाउन लागिएको भन्दै आलोचना भइरहेको छ । जरिवाना बढाउने विधेयक मस्यौदा भइरहँदा आईजीपी दानबहादुर कार्कीले ट्राफिक कारबाहीमा नै नपर्ने गरी सवारी साधन चलाउन सवारी चालकहरूलाई आग्रह गरेका छन् ।

मेट्रो ट्राफिक एफएमको १४औँ वार्षिकोत्सव समारोहलाई शुक्रबार सम्बोधन गर्दै आईजीपी कार्कीले भने– ‘जरिवाना काट्नै नपरोस्, जरिवानाको टिकट लेख्नै नपरोस् भन्ने लाग्छ ।’ तर, मादक पदार्थ सेवन गरेको र हेलमेट नलगाएको भेटिएपछि काट्नुपर्ने बाध्यता भएको उनले बताए ।