६ लाख ६५ हजार रुपैयाँसहित नेपाल सरकारका उपसचिव पक्राउ

काठमाडौं । राष्ट्रपति चुरे तराई–मधेश संरक्षण विकास समिति मोरङका कार्यालय प्रमुख मिक्मार तामाङ विराटनगर विमानस्थलबाट पक्राउ परेका छन् । नेपाल सरकारका उपसचिव उनी ६ लाख ६५ हजार रुपैयाँ नगदसहित पक्राउ परेका हुन् ।

दोलखाको भीमेश्वर नगरपालिका–९ घर भएका तामाङ गत ३ साउनमा बुद्ध एयरको विमानमार्फत विराटनगरबाट काठमाडौं आउने क्रममा पक्राउ परेका थिए । उनी पक्राउ परेको विवरण प्रहरीले आज मात्रै सार्वजनिक गरेको हो ।