कर्णालीमा कचिङ्गल : एमाले अझै केन्द्र कुर्दै, नेकपा र कांग्रेस स्वायत्तताका गफ दिँदै

सुर्खेत । केन्द्रमा नेपाली कम्युनिस्ट पार्टी र नेकपा एमालेबिच प्रदेश सत्ता समीकरण हुने भनिए पनि हालसम्म त्यसको औपचारिक कुनै निर्णय आएको छैन । भित्रभित्र एमाले र नेकपाबिच प्रदेशको सत्ता भागबन्डा भइसकेको चर्चा पनि गरे पनि त्यसको निर्णय हालसम्म कुनै पनि दलका प्रदेश कमिटी र संसदीय दलमा आएको छैन ।

यसले प्रदेशमा अन्योल सिर्जना भइरहेको छ । यद्यपि कर्णालीमा नेपाली कांग्रेस र नेकपाले एमाले संसदीय दलका नेता समेत रहेका मुख्यमन्त्री यामलाल कँडेलविरुद्धको सत्ता समीकरणमा तलमाथि नहुने दाबी गरिसकेका छन् ।