रसुवा बाढीको असर राजमार्ग स्तरोन्नतिमा

रसुवाको भोटेकोशीमा आएको भीषण बाढीको प्रत्यक्ष असर पूर्व–पश्चिम राजमार्ग स्तरोन्नति आयोजना (दोस्रो खण्ड) मा परेको छ । आयोजनामा कार्यरत करिब ४० प्रतिशत प्राविधिक कर्मचारी तथा मजदुरका परिवार बाढीबाट प्रभावित भएपछि कमला–बडहरी–फूलजोर–बागमती (७४.७५ किलोमिटर) पूर्वी खण्डको निर्माण कार्य सुस्त बनेको छ ।

आयोजनाको ठेकेदार कम्पनी ‘स्वेग–आरसीसी जेभी’का प्रोजेक्ट म्यानेजर सुबोध रिसालका अनुसार विपद्का कारण आयोजनामा कार्यरत करिब ४० प्रतिशत प्राविधिक कर्मचारी तथा मजदुर प्रभावित भएका छन् ।