राष्ट्रिय विभूति बडाकाजी अमरसिंह थापाद्वारा निर्मित ठमेलको त्रिशक्ति पीठ

सैद्धान्तिक व्यवहार

आध्यात्मिक तथा सांस्कृतिक संरक्षणको सिद्धान्त अनुसार कडा कूटनीतिक सैनिक युद्धबाट वा अन्य तरिकाबाट प्राप्त गरेका भूभागहरुलाई समेटेर सार्वभौम राष्ट्र निर्माण गरिसकेपछि त्यो राष्ट्रको दिगो टिकाउ, बचाउ, विकास र व्यवस्थापन गर्नेक्रममा नरम कूटनीतिक कार्यको पनि उत्तिकै आवश्यकता पर्दछ । नरम कूटनीतिक कार्यको आवश्यकता अनुसार साझा स्थायी राष्ट्रिय चरित्रको आध्यात्मिक तथा सांस्कृतिक तत्वहरुको निर्माण गर्नुपर्ने हुन्छ ।