हेटौँडा सहिद स्मारकमा गत आवमा पाँच लाख पर्यटक

बागमती । हेटौँडा सहिद स्मारकमा गत आर्थिक वर्ष २०८२/८३ मा पाँच लाखभन्दा बढी पर्यटकले भ्रमण गरेका छन् । स्मारकमा स्वदेशी एवं विदेशी गरी पाँच लाख पर्यटकले भ्रमण गरेको व्यवस्थापक रामचन्द्र न्यौपानेले जानकारी दिए ।

हरेक दिन बिहान ६ः०० बजेदेखि बेलुका ९ः०० बजेसम्म खुल्ने स्मारकमा नेपाली सर्वसाधारणका लागि रु ५०, विद्यार्थीका लागि रु ३०, सार्क राष्ट्रका नागरिकका लागि रु १०० अन्य विदेशी राष्ट्रका नागरिकका लागि रु १५० प्रवेश शुल्क निर्धारण गरिएको उनले बताए । तत्कालीन प्रधानमन्त्री मनमोहन अधिकारीले २०५२ साल माघ १७ गते यस स्मारकको अनावरण गरेका थिए ।