बालेन-रवि सम्बन्धमा बढ्दो दूरी : यी घटनाले देखाउँछन् असन्तुष्टिका संकेत

काठमाडौं । नेपालको इतिहासमा वि.सं २००७ सालदेखि अहिलेसम्मका सरकारका ढल्नुका विभिन्न कारणमध्ये एउटा हो- सरकार र सत्तारुढ दलबीच समन्वयको अभाव अर्थात् सरकार प्रमुख र पार्टी नेतृत्वबीचको झगडा । गत २१ फागुनमार्फत् झण्डै दुईतिहाइ मत ल्याएको राष्ट्रिय स्वतन्त्र पार्टी (रास्वपा) का सभापति रवि लामिछाने र प्रधानमन्त्री बालेन्द्र शाह (बालेन) को बीचको सम्बन्ध चाहिँ कस्तो छ ?

यतिबेला प्रधानमन्त्री शाह र सभापति लामिछानेबीचको सम्बन्धलाई पछिल्ला घटनाक्रमले विशेष चासोको विषय बनाएको छ । विपक्षीबाट सरकारलाई कुनै पनि चुनौती छैन। तर, कतै पार्टीभित्रकै द्वन्द्वले राजनीतिक अस्थिरता आउने त होइन भन्ने शंशय जनमानसमा रहेको छ ।