अमेरिकाको वासिङ्टन तट नजिक समुद्री विमान दुर्घटना

वासिङ्टन डीसी । अमेरिकाको वासिङ्टन राज्यको तटीय क्षेत्रमा एउटा समुद्री विमान (सीप्लेन) आकस्मिक अवतरणपछि आगलागी भएको छ । विमानमा सवार सबै ११ जनाको सकुशल उद्धार गरिएको छ ।

अमेरिकी कोस्ट गार्डका अनुसार केनमोर एयरको उक्त विमान सान जुआन टापु समूहअन्तर्गत सुसिया टापुनजिकको नर्थ बीच शालो बे क्षेत्रमा आपत्कालीन अवतरण गरेको थियो । अवतरण लगत्तै विमानमा आगलागी भएको थियो ।