ढुंगासहितको पहिरो खस्दा तीन वर्षीय बालकको मृत्यु, दुई घाइते

मुगुको मुगम कार्मारोङ गाउँपालिका-५ पुलु बजारमा घरमाथि पहिरो खस्दा तीन वर्षीय बालकको मृत्यु भएको छ भने दुई जना घाइते भएका छन्।

शनिबार बिहान करिब ४:०० बजे पेमा लामाको घरमा भाडामा होटल सञ्चालन गरी बस्दै आएका छायाँनाथ रारा नगरपालिका-१३ तिर्पका ३२ वर्षीय जगनाथ बडुवाल, उनकी २७ वर्षीया श्रीमती सृजना बडुवाल र ३ वर्षीय छोरा रमेश बडुवाल सुतिरहेको अवस्थामा माथिबाट ढुंगा सहितको पहिरो घरमा खसेको थियो।