बिग्रिएको सार्वजनिक स्वीकारोक्ति, सच्चिने बाटोबारे मौनः निराशा र चिन्ता कसको कति ?

काठमाडौं । काठमाडौंमा ४८ औं पुष्पलाल स्मृति दिवस मनाइयो । दिवसमा वक्ताको रुपमा दुई पूर्वप्रधानमन्त्रीसहित वामपन्थी नेताहरु पुगेका थिए । उनीहरुको सार एउटै थियो, मुलुकमा प्रतिगमनकारी षडयन्त्र भयो, मिलेर सामना गरौं । तर, यस्तो किन भयो भन्नेमा उनीहरुको निष्कर्ष भने रोचक छ ।

४८ औं पुष्पलाल स्मृति दिवसको सन्दर्भमा आयोजित वर्तमान राजनीतिक परिस्थिति मा वामपन्थी दलहरूको भुमिका विचार गोष्ठीमा नेताहरुले सहकार्यको प्रस्ताव गरे। सहकार्यसंगै मोर्चाबन्दी र भर्खरै निर्वाचनबाट आएको सरकार प्रतिगमनबाट आएको आरोपसहित उनीहरुको निष्कर्ष छ, अब देश बर्बादीतर्फ हिड्यो। कार्यक्रममा वक्ताको रुपमा पुगेका क्रान्तिकारी कम्युनिस्ट पार्टीका प्रवक्ता हेमन्तप्रकाश ओलीले त सरकारविरुद्ध घोषित मोर्चाबन्दीको प्रस्ताव नै गरे।