बुद्ध एयरको नयाँ सिरिजमा एटीआर विमान

बुद्ध एयरले शुक्रबार एटीआर ७२–६०० विमान भित्र्याएको छ। कम्पनीले जारी गरेको विज्ञप्तिअनुसार आवश्यक प्रक्रिया पूरा गरी अर्को महिनादेखि उक्त विमानबाट उडान गरिनेछ।

बुद्ध एयरले कल साइन ‘९एन–एओएस’ भएको विमान फ्रान्सको तुलुसबाट ल्याएको हो। यो एटीआर ७२–६०० विमानमा उडान प्रणाली (एभियोनिक्स) पूर्ण ग्लास ककपिट, आधुनिक नेभिगेशन प्रणाली, डिजिटल फ्लाइट म्यानेजमेन्ट र उन्नत सुरक्षा प्रणाली रहेको जनाइएको छ। यस सिरिजका विमानले कम इन्धन खपत गर्ने भएकाले वातावरणमैत्री मानिन्छन्।