रास्वपा सांसद गणेश पौडेलमाथिको दुर्व्यवहारप्रति संसदीय दलद्वारा घोर भर्त्सना, कडा कारबाहीको माग

रौतहट-४ का प्रतिनिधिसभा सदस्य तथा राष्ट्रिय स्वतन्त्र पार्टी (रास्वपा) का सांसद गणेश पौडेलमाथि भएको कालो मसी प्रहार र दुर्व्यवहारको घटनाप्रति रास्वपा संसदीय दलले गम्भीर ध्यानाकर्षण भएको जनाएको छ। मुख्य सचेतक कविन्द्र बुर्लाकोटीले विज्ञप्तिमार्फत पार्टीले यस किसिमको हिंसात्मक तथा अमर्यादित गतिविधिको घोर भर्त्सना गरेका हुन् ।

सांसद पौडेलमाथि साउन ७ गते जनतासँगको भेटघाट कार्यक्रम सकेर फर्कने क्रममा दुर्व्यवहार भएको थियो। लोकतान्त्रिक व्यवस्थामा असहमति र विरोध जनाउने अधिकार सबैको भए पनि जनप्रतिनिधिमाथि हुने हिंसा, दुर्व्यवहार वा अपमानजनक व्यवहार कुनै पनि लोकतान्त्रिक समाजमा सैह्य नहुने रास्वपाको ठहर छ।