बेपत्ता ४ वर्षीया बालिकाको शव फेला

काठमाडौँ- मोरङको सुनवर्षी नगरपालिकामा शुक्रबार दिउँसोबाट बेपत्ता भएकी चार वर्षीया बालिका कायानत खातुनको शव फेला परेको छ।

सुनवर्षी नगरपालिका– ९ डाइनियाकी उनको शव बेपत्ता भएको करिब ४ घण्टापछि घरबाट करिब २ सय मिटर पूर्वतर्फ भेटिएको हो। बालिकाको शरिरमा चोट देखिएको जिल्ला प्रहरी कार्यालय मोरङका सूचना अधिकारी तथा प्रहरी नायब उपरीक्षक मकेन्द्रकुमार मिश्रले जानकारी दिए।