नगेन्द्रराज शर्मा : सम्झनाको सिलसिला

३१ असार २०८३ बिहानै सामाजिक सञ्जालबाट थाहा भयो, नेपालमा नगेन्द्रराज शर्मा अर्थात् नराशको देहान्त भएछ । यो समाचार दुःखद थियो तर अनपेक्षित थिएन । केही महिनायता उहाँको स्वास्थ्य निरन्तर खराब हुँदै गइरहेको थियो । ओछ्यान पर्नुभएको थियो । अस्पतालमा भन्दा घरमा सहज हुने भएकाले घरमै राखिएको थियो । र घरमै उहाँको देहान्त भयो ।

म नेपाल जाँदा उहाँलाई भेट्न जाने नियमितता नै थियो । तर यो पल्ट एक्लै जान मन लागेन । उहाँलाई गाह्रो भएको छ र पूरै ओछ्यान पर्नुभएको जानकारीले मलाई कसरी भेट्न जाने भन्ने भइरहेको थियो ।