बडीमालिकामा साउनभित्रै टेलिफोन र इन्टरनेट सेवा, सगरमाथा आधार शिविरमा फोरजी विस्तारको अध्ययन हुँदै

काठमाडौं । बाजुराको प्रसिद्ध पर्यटकीय क्षेत्र बडीमालिकामा साउन महिनाभित्रै टेलिफोन र इन्टरनेट सेवा सञ्चालनमा आउने भएको छ । सूचना तथा सञ्चारमन्त्री डा. विक्रम तिमिल्सिनासँगको शुक्रबारको छलफलमा नेपाल टेलिकमका अधिकारीहरूले यस महिना सेवा सुरु गर्ने प्रतिबद्धता जनाएका हुन् ।

समुद्री सतहबाट ४,२०० मिटर उचाइमा रहेको सो क्षेत्रमा सडक पहुँच नभएकाले टेलिफोन टावरका उपकरणहरू नेपाली सेनाको हेलिकप्टरमार्फत ढुवानी गर्ने तयारी गरिएको छ ।