गुण्डागर्दीमा संलग्न एक हजार ८७१ जनाको प्रोफाइल तयार, कहिले हुन्छ इन्काउन्टर ?

काठमाडौं– जिल्ला प्रहरी परिसर काठमाडौंले उपत्यकामा गुण्डागर्दी तथा विभिन्न आपराधिक गतिविधिमा संलग्न १,८७१ जना व्यक्तिको विस्तृत प्रोफाइल तयार गरेको छ ।

शुक्रबार आयोजित पत्रकार सम्मेलनमा परिसरका प्रवक्ता एसपी पवनकुमार भट्टराईले अपराध अनुसन्धानलाई प्रभावकारी बनाउन र संदिग्धको पहिचान तथा खोजीमा सहजता ल्याउने उद्देश्यले तीन पुस्तेसम्मको विवरण समेटिएको अभिलेख तयार गरिएको जानकारी दिए ।