नेपालगन्जमा तोडफोड गरिएका शालिक अनावरण

नेपालगन्जमा विभिन्न समयमा तोडफोड गरिएका ऐतिहासिक तथा राजनीतिक व्यक्तित्वका शालिक पुनःस्थापना गरी शनिबार एकैसाथ अनावरण गरिएको छ। पूर्वप्रधानमन्त्री तथा संविधान निर्माण प्रक्रियाका प्रमुख व्यक्तित्व स्वर्गीय सुशील कोइरालाको नयाँ शालिक पनि स्थापना गरिएको छ।

दोस्रो जनआन्दोलन २०६२।६३ का क्रममा अज्ञात समूहले तोडफोड गरेको स्वर्गीय राजा वीरेन्द्र शाहको शालिक तथा जेन–जी आन्दोलनका क्रममा क्षति पुगेका प्रथम जननिर्वाचित प्रधानमन्त्री स्वर्गीय बीपी कोइराला, लौहपुरुष गणेशमान सिंह, जननेता पुष्पलाल श्रेष्ठ र दोस्रो जनआन्दोलनका सहिद सेतु विकका शालिक पुनःनिर्माण गरी अनावरण गरिएको हो।