एकै दिन देश विध्वंश पार्ने गरी वैरीहरू लाग्छन् भन्ने आँकलन नै गर्न सकिएन' : प्रचण्ड

नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले नेपाली कम्युनिस्टहरू सत्ता र सरकारको फेर समात्नमै अल्झिँदा विरोधीहरूले २० वर्षे रणनीति बनाउन लागेको टिप्पणी गरेका छन्। शुक्रबार पुष्पलाल मित्रता केन्द्रद्वारा आयोजित कार्यक्रममा बोल्दै संयोजक प्रचण्डले कम्युनिस्टहरूले परम्परागत ढर्रामै चित्त बुझाएको र सही वैचारिक स्कुलिङमा ध्यान नदिएकै कारण अहिलेको राजनीतिक क्षति बेहोर्नुपरेको बताए।

विरोधी तत्वहरू सक्रिय रहेको सामान्य जानकारी भए पनि यति ठूलो स्तरमा एकै दिन नेपाललाई विध्वंश पार्ने गरी योजनाबद्ध रूपमा लाग्छन् भन्ने आँकलन गर्न नसकिएको उनले स्वीकार गरे।