सत्याग्रहमै रहेका डा. गोविन्द केसीलाई धर्मशाला खाली गर्न मन्दिर व्यवस्थापन समितिको पत्र

धनगढी- स्वास्थ्य क्षेत्रको सुधारका लागि सात बुँदे माग राखेर सत्याग्र थालेका डा.गोविन्द केसीलाई सकस परेको छ । धनगढीस्थित कृष्ण मन्दिरको धर्मशालामा बिहीवारदेखि सत्याग्रह बसेका डा.केसीलाई मन्दिर व्यवस्थापन समितिले ठाउँ छाड्न पत्र पठाएपछि केसी अफ्ठयारोमा परेका हुन् ।

मन्दिर व्यवस्थापन समितिको पत्रपछि अब के गर्ने भन्ने विषयमा छलफल भइरहेको उनका सहयोगी डा.अमृत जैसीले बताए । ‘डा. केसीले व्यवस्थापन समितिको अनुमति लिएरै सत्याग्र प्रारम्भ गरेका हुन्, यसअघि पनि यही स्थानमा बसेर केसीले दुई पटक सत्याग्रह प्रारम्भ गर्नु भएकै हो,’ जैसीले भने- ‘तर अहिले धर्मशाला छाड्न भन्दै पत्र आएको छ, यो राम्रो त हैन, अब के गर्ने भन्ने विषयमा छलफल भइरहेको छ ।’