मुगुमा पहिरोले घर पुरिँदा तीन वर्षीय बालकको मृत्यु, आठ घर उच्च जोखिममा

मुगु । मुगुको मुगुम कार्मारोङ गाउँपालिका–५ स्थित पुलु बजारमा गएराति आएको पहिरोले एक घर पुरिँदा तीन वर्षीय बालकको ज्यान गएको छ। उनका बुबा–आमा घाइते भएका छन्।

प्रहरीका अनुसार छायाँनाथ रारा नगरपालिका–१३ तिर्पका ३२ वर्षीय जगनाथ बडुवाल आफ्नो परिवारसहित स्थानीय पेमा लामाको घरमा भाडामा बस्दै होटल सञ्चालन गर्दै आएका थिए। राति उनीहरू सुतिरहेका बेला माथिबाट ढुङ्गासहित आएको पहिरोले घर पुरेको हो।