महेश बस्नेत भन्छन् : न्यायाधीशमाथि राजीनामाको दबाबमा अन्तर्राष्ट्रिय संस्थाले चिन्ता गरे

नेकपा (एमाले) का सचिव महेश बस्नेतले सर्वोच्च अदालतका वरिष्ठ न्यायाधीशहरूमाथि राजीनामा दिन दबाब दिइएको विषयमा अन्तर्राष्ट्रिय मानवअधिकार संस्थाहरूले गम्भीर चिन्ता व्यक्त गरेको बताएका छन्।

शनिबार सामाजिक सञ्जालमार्फत उनले सर्वोच्च अदालतका तीन वरिष्ठ न्यायाधीश सपना मल्ल प्रधान, कुमार रेग्मी र हरि फुयाँललाई राजीनामा दिन दबाब दिइएको तथा अस्वीकार गरे महाभियोग लगाउने धम्की दिइएको विषयमा एम्नेस्टी इन्टरनेसनल, ह्युमन राइट्स वाच र इन्टरनेसनल कमिसन अफ जुरिस्ट्सले गम्भीर चासो व्यक्त गरेको बताएका छन्।