बाढीपीडितको उद्धार र पुनर्स्थापनाका लागि आइएमई ग्रुपले १० करोड दिने

काठमाडौं— बाढीबाट प्रभावित नागरिकको खोज तथा उद्धार, राहत र पुनर्स्थापनाका लागि आइएमई ग्रुपले प्रधानमन्त्री दैवी प्रकोप उद्धार कोषमा १० करोड रुपैयाँ सहयोग गर्ने घोषणा गरेको छ।

ग्रुपअन्तर्गत तथा ग्रुपद्वारा प्रवर्द्धित विभिन्न कम्पनीमार्फत उक्त रकम उपलब्ध गराइने जनाइएको छ। ग्लोबल आइएमई बैंक, आइएमई लिमिटेड, आइएमई लाइफ इन्स्योरेन्स, आईजीआई प्रुडेन्सियल इन्स्योरेन्स, चन्द्रागिरि हिल्स, डिसहोम, आइएमई मोटर्स, आइएमई खल्ती, स्विफ्ट टेक्नोलोजी, मिदास हेल्थ, माइमार्ट, लुम्बिनी केबलकार र आइएमई फाउन्डेसनलगायतबाट सहयोग जुटाइनेछ।