अन्तर्राष्ट्रिय मानवअधिकार संस्थाहरूको दाबी : सर्वोच्चका न्यायाधीशलाई महाभियोगको धम्की

नेपालमा न्यायपालिकामाथि राजनीतिक हस्तक्षेप बढ्दै गएको भन्दै तीन प्रमुख अन्तर्राष्ट्रिय मानवअधिकार संस्थाले गम्भीर चिन्ता व्यक्त गरेका छन्। उनीहरूले हालका घटनाक्रमले न्यायपालिकाको स्वतन्त्रता र विधिको शासनमा असर पार्न सक्ने चेतावनी दिएका छन्।

एम्नेस्टी इन्टरनेसनल, ह्युमन राइट्स वाच (एचआरडब्लू) र इन्टरनेसनल कमिसन अफ जुरिस्ट्स (आईसीजे) ले शुक्रबार संयुक्त विज्ञप्ति जारी गर्दै सर्वोच्च अदालतको संरचना परिवर्तन गर्न राजनीतिक दबाब दिइएको दाबी गरेका छन्।