मोदीले अनुमान गर्न नसकेको युवा आन्दोलन

भारतका लाखौं युवाको मनमा एउटा साझा डरले जन्म लियो; यदि उनीहरूको भविष्य निर्धारण गर्ने परीक्षामाथि नै विश्वास गर्न सकिँदैन भने, आखिर कुन प्रणालीमाथि विश्वास गर्ने ?

केही साताअघि यही प्रश्नबाट सुरु भएको असन्तुष्टि सोमबार नयाँ मोडमा पुग्यो । दशौं हजार युवा भारतको संसद् भवनतर्फ बिरोध प्रदर्शनमा निस्किए । प्रहरीले अश्रुग्यास र लाठी प्रहार गरेर उनीहरूलाई रोक्यो । त्यसयता पनि विहिबारसम्म हजारौं प्रदर्शनकारी सडकमा उत्रिरहेका छन् ।