टेकुस्थित कौसी थिएटरमा नाटक ‘जोलिन’

८ साउन, काठमाडौं । कथा घेराको टेकुस्थित कौसी थिएटरमा आज शुक्रबारदेखि नयाँ नाटक ‘जोलिन’ मञ्चन हुने भएको छ । प्रेमले कसरी मानिसलाई आश्रय र कैद दुवै गर्छ भन्ने विषयलाई केन्द्रमा राखेर तयार पारिएको यो नाटक मञ्चन हुने भएको हो ।

नाटकको मुख्य कथा मीरा र उनका श्रीमान माधवको सम्बन्ध वरिपरि घुम्छ । श्रीमान माधवप्रति पूर्णरूपमा समर्पित मिराको जीवन बाहिरबाट सामान्य देखिए पनि भित्री पक्ष निकै भयावह छ । माधवको जीवनमा ‘जोलिन’को प्रवेश र उनीहरूबिचको प्रेम सम्बन्धको खुलासाले दम्पतीको जीवनमा ठुलो हलचल ल्याउँछ ।