मुगुमा घरमाथि पहिरो खस्दा तीन वर्षीय बालकको मृत्यु

मुगु जिल्लाको मुगम कार्मारोङ गाउँपालिका ५ पुलु बजारमा घरमाथि ढुंगा सहितको पहिरो खस्दा तीन वर्षीय बालकको मृत्यु भएको छ।

शनिबार बिहान करिब ४ बजे परेको पहिरोले पेमा लामाको घरमा भाडामा होटल सञ्चालन गर्दै बसिरहेका छायाँनाथ रारा नगरपालिका १३ तिर्पका ३२ वर्षीय जगनाथ बडुवालको परिवारलाई च्यापेको थियो। घटनाका बेला जगनाथ, उनकी २७ वर्षीया पत्नी सृजना बडुवाल र तीन वर्षीय छोरा रमेश बडुवाल घरभित्र सुतिरहेका थिए।