निरंकुश प्रवृत्तिविरुद्ध कम्युनिस्ट आन्दोलन आवश्यक : प्रचण्ड

काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ले वर्तमान परिस्थितिमा कम्युनिस्ट आन्दोलनलाई पुनः एकताबद्ध गर्दै राष्ट्रिय स्वाधीनता र लोकतान्त्रिक मूल्यको रक्षा गर्न संघर्षमा उत्रिनुपर्ने बताएका छन्।

नेकपाका संस्थापक सदस्य नरबहादुर कर्माचार्यको १३औँ स्मृति दिवसका अवसरमा पार्टी मुख्यालय पेरिसडाँडामा आयोजित कार्यक्रममा बोल्दै प्रचण्डले नेपालको कम्युनिस्ट आन्दोलन चुनौतीपूर्ण अवस्थाबाट गुज्रिरहेको उल्लेख गरे। उनले आन्दोलनलाई पुनर्जीवित गर्दै नयाँ ऊर्जा प्रदान गर्नु आजको आवश्यकता भएको बताए।