महाकाली र महेन्द्र राजमार्ग स्तरोन्नतिका लागि  ठेक्का आह्वान

काठमाडौँ । महाकाली र पूर्व–पश्चिम महेन्द्र राजमार्गको स्तरोन्नति तथा सडक सुरक्षा अभिवृद्धिका लागि साढे आठ करोड रुपैयाँभन्दा बढीको ठेक्का आह्वान गरिएको छ । सडक डिभिजन कार्यालय महेन्द्रनगरले विभिन्न सातवटा आयोजनाका लागि खुला प्रतिस्पर्धात्मक विद्युतीय बोलपत्र (इ–टेन्डर) आह्वान गरेको हो ।

सडक डिभिजन कार्यालय महेन्द्रनगरका अनुसार कञ्चनपुर र कैलाली क्षेत्रमा पर्ने राजमार्गका विभिन्न जीर्ण खण्डहरूको मर्मत–सम्भार, सडक स्तरोन्नति, ढलान (रिजिट पेभमेन्ट) तथा सडक सुरक्षाका पूर्वाधार निर्माणका लागि कुल ८ करोड ५४ लाख १९ हजार रुपैयाँ बराबरको अनुमानित लागतमा काम अघि बढाउन लागिएको हो ।